講過冰室同茶記，除左呢樣2樣，其實仲有有一種同佢地都有密切既關系，我所講既就係茶檔啦，茶檔亦即係大排檔，早期既時候主要開係街邊，慢慢，亦因為政府對衛生既規管，部分茶檔亦都搬叻上政府既熟食中心。

介紹得茶檔，當然就緊係要講下茶啦！今日要介紹既茶檔，睇到相都知店主對出品充滿信心。

呢到最出名既就係樽仔奶茶，由於樽仔奶茶，直接雪凍無加入冰粒，所以味道上自然比其它茶記更濃。

今次我就試左樽仔奶茶，同奶油多(呢到既西多士更有名氣)，樽仔奶茶入口厚滑，茶味濃郁，甜度適中，相信呢個甜度對香港人黎講，都唔會話太甜，對鍾意奶茶既小編黎講，真係愛不釋手啊！

如果，你都鍾意港式奶茶就絕對要試下啦！

瑞記咖啡

港鐵上環站 A2 出口

上環皇后大道中345號上環市政大廈2樓熟食中心17號舖