近年好多連鎖品牌，以冰室名號開店，雖然外型神似，但係一望到餐牌，就見到同傳統冰室既分別，今日就介紹一間1970年開業，亦已經轉過手既傳統冰室，雖然轉過手，但係依舊無改變佢冰室既事實，至於呢間冰室有咩咁特別呢？

香港有生產麵包西餅既冰室，已經越黎越小，今日介紹既就係其中一間。

未入冰室，正門已經見到傳統既蛋糕西餅，同港式麵包，價錢上相當親民，臨走前我亦都買左佢地既三角蛋糕同牛油蛋糕。

冰室既餐牌，有齊大部份冰室先有既野，價錢上亦都非常低食，小編平時返工前食個餐蛋麵加埋熱飲都已經收緊我29蚊，呢到咁多野食，奶茶茶味又夠濃，餐包咁新鮮都係31蚊，如果係個頭返工，真係日日食都似，當然佢低食既地方唔止呢到啦！

佢地既餅都好正架，一般常見既三角朱古力蛋糕，都係用海綿蛋糕做，但係呢到，就用左牛油蛋糕底，成本已經相差甚遠，所以黎食野既朋友，記住順路試埋啦！