可樂罐

• 可樂罐外形趣致，相信大部份人細個應該都有食過，呢款可樂糖，外形細細粒，質感硬硬地，食落有小小可樂味，同時帶有小小酸味，藍苺糖食落味道特別，亦帶有藍苺既香味，除左呢2隻味之外，仲有一款藍色既波子汽水，唔知你又鍾意邊種呢？

三枝香

• 輪到介紹香啦，無錯！介紹3枝食得既香，呢3枝香即使大家有食過，都未必會知佢其實係日本製造。望住包裝上既牌子，或者大家都會以為佢只係本土野，但係香港只係代理，製造地就係日本，所以鍾意日本零食既你，無理由唔幫襯啦！三枝香食落味道算濃，口感香脆，咬住枝香一邊煲劇一邊扮工，都咪話唔爽！

魷魚絲

• 講起魷魚絲，唔知大家第一時間會唔會諗起呢隻呢？雖然好多人講起魷魚絲都會諗起佢，但係，其實佢唔係魷魚絲黎架，佢係用鱈魚制成，正確黎講應該叫佢做鱈魚絲先係，鱈魚絲大家或者食得多，但係小編就更加鍾意鱈魚餅，可以成塊拎住黎咬，食起上黎更加有咬口，鱈魚既香味，配合小小辣味道，都不知幾爽啊！

二寶

• 繼續介紹多款包裝同樣都係橙色加藍色，非常之經典既糖，二寶。二寶裡面有橙味同檸檬味既糖果，2款糖果裡面除咗有香甜既水果味，仲有小小流心，食落非常之味，記得細個成日食曬d橙色，見到黃色都唔會食，唔知你地又鍾意咩色呢？

乳酸菌與變色龍

• 講起乳酸菌同埋變色龍，唔知大家又知唔知邊隻呢？變色龍外邊清一式係可樂味，但係，裡面既味道就非常豐富啦，裡面既味道以水果味為主，你可以食到青蘋果味，士多啤梨……想知仲有咩味？快d去買黎試下啦

欣欣杯

• 跟住就講下小編細個都幾鍾意食既欣欣杯，我相信聽到呢個名，大部份人都會知道係d咩野黎。如果，你唔知或者未食過，就等我介紹下啦，欣欣杯最常見有2個味道，分別係朱古力同埋去士多啤梨，打開包裝，上面會有1個裝住醬既位，另一邊就係餅乾條，好記得細個通常未食曬D餅乾，已經點曬裡面d醬，最後就得返餅乾條，唔知你又有無試過呢？

橡皮糖

• 呢幾款橡皮糖，相信真係大部人細個實食過，即使未食過都有見過掛？漢堡飽，Pizza當然麵就可能小見d,但係呢d橡皮糖，小編細個就真係食唔小啦，記得細個食呢隻漢堡飽糖，實會一層一層去食，慢慢咁咬，唔知你地又會點食呢？

蒲燒太郎

• 跟住要講既魷魚片，其實唔係魷魚片，佢真名叫做蒲燒太郎，而且亦都唔係用魷魚去做，而係同大發魷魚絲一樣，都係用鱈魚制成，所以食落大家質感都差唔多，但係蒲燒太郎係鱈魚絲上面搽滿蒲燒醬汁，而且仲有其他味道，食落非常惹味，唔知你又最鍾意食邊款呢？

魷魚波波

• 魷魚波波通常會見到2種，一種就係時興隆，另一種就係泰國版既，今次我就買咗泰國版，通常望到呢d波波，大家都可以以為係用炸既方式去做，其實佢地係用焗既方式去做。呢種魷魚波波，食落香脆，會係口慢慢化開，香味， 辣味，甜味，慢慢滲出，唔知你鍾意時興隆定泰國版既呢？

達輝朱古力豆

• 第一款要分享既朱古力看似普通，但係做法絕對唔小架！達輝朱古力豆有2隻味道，分別係紅色既雜綿同埋綠色既薄荷味，朱古力豆既裡面有脆脆，再包住黑朱古力，再有白色朱古力，再有綠色塗層，最後再拋光先至完成，雖然細細粒，但係裡面既工夫，絕對唔少架，下次見到，不坊買盒用欣賞既角度試下啦！

媽咪麵

• 之後要分享既就係媽咪麵，媽咪麵相信係唔小人既回憶，睇過媽咪麵電視廣告既朋友仔，應該都有返d年紀了，媽咪麵，經過油炸脫水，所以就敢食都無咩大問題，有人會加入調味粉再整脆，有人鍾意就敢食，甚至有人話會煮湯食，唔知大家又鍾意點食呢？

童星點心麵

• 上星期講過一款來至馬來西亞既麵麵，今日就講下另一款細個同佢叮噹馬頭既日本麵，童星點心麵，如果你問小編鐘意邊款，小編應該唔洗諗就會答你點心麵，童星點心麵既炒麵味，香得黎又唔會好咸，仲帶有日本醬油味道既微酸， 不知不覺就好快食曬啦，你地又鐘意咩味呢？最近買返點心麵，先發現包裝上既公仔，早幾年前已經重新設計過，好在味道依舊，一食d回憶就返曬黎啊！

戒指糖

• 細個食某幾款糖，好多時都會食到成手黐立立，今日就介紹其中一款，戒指糖，以前買既戒指糖有三隻顏色，綠色(蜜瓜)，紫色(提子)，紅色(士多碑利味)，最近去買仲發現咗老闆娘個到有可樂味，大家又想呀想試下呢？

紫菜

• 想信大家細個都未必鍾意食菜，但係，有幾種菜就絕對會，食到你停唔到口啦。食得菜又點可以唔食埋蟲呢今日要講既菜就係紫菜啦，記得細細個個時買，幾毫子一包，又平又好食之外，紫菜仲有豐富既碘質，可以促進新陳代謝，保護頭髮，皮膚及健康，仲係對發育同成長唔可以缺少既營養，雖然講就係咁講，但變左零食，裡面既油脂，鹽份自然增加左唔小，所以，就算食都要注意啦！

EDO橡皮糖

• 香港既橡皮糖選擇非常之多，要數到又平又多選擇EDO，呢3個字相信你就絕對唔會陌生啦，EDO既糖類非常多，今日就分享下細包裝既橡皮糖，當中除左有常見既可樂糖，仲有蟲蟲同提子糖架，提子糖食落非常有咬口，帶有小小提子既味道，唔知3款當中，你地又最鍾意邊款呢？

• 更新中